Əfqanıstan, Orta Asiya və Azərbaycan ticarət və nəqliyyatda maneələri azaldacaq (Khaama Press, Əfqanıstan)

Əfqanıstan və Orta Asiya ölkələri olan Qazaxıstan, Qırğızıstan, Tacikistan, Türkmənistan, Özbəkistanın Azərbaycanla birlikdə BMT-nin hüquqi sənədlərindən, standart və tövsiyələrindən istifadə edərək ticarət və nəqliyyatda maneələri azaldacaqlar.

Bu addımı “həlledici” adlandıran Birləşmiş Millətlər Təşkilatının Avropa İqtisadi Komissiyası (UNECE) açıqlamasında bu addımın bölgədəki qarşılıqlı əlaqəni əhəmiyyətli dərəcədə artıracağını deyib.

Bəyanatda daha sonra “Bu, regional bazarı və sərhədlərarası tədarük zəncirlərini inkişaf etdirəcək, ölkələrə Avropa və Asiya iqtisadiyyatı ilə inteqrasiya olunmasına kömək edəcəkdir” qeyd olunub.

“Bu, öz növbəsində, qədim dövrlərdən bəri sivilizasiyanın, ticarət və nəqliyyat yollarının beşiyi olan bölgəyə investisiya, texnologiya və yenilik cəlb etmək məqsədi daşıyır”, bəyanatda deyilir.

UNECE-dən verilən məlumata görə, bu, bölgədən olan nazirlərin BMT-nin Orta Asiya İqtisadları üçün Xüsusi Proqramı (SPECA) çərçivəsində toplaşması və bu fürsətdən istifadə edərək Dayanıqlı İnkişaf Üzrə 2030-cü il Gündəliyindəki irəliləyişlərini kataliz etməkdir.

Türkmənistanın maliyyə və iqtisadiyyat naziri cənab Batyr Bazarov 20-21 Noyabr 2019 tarixində Aşqabadda keçirilən illik SPECA Forumunda, “məqsədimiz bölgəni nəqliyyat xidmətləri və ticarətin müasir mərkəzinə çevirməkdir”, deyib.

SPECA İşçi Qrupları əsas sənədləri yekunlaşdırır:

Ticarət və nəqliyyat üzrə SPECA işçi qrupları və Əlaqə üzrə illik İqtisadi forumu: SPECA subbölgədə davamlı nəqliyyat və ticarətin asanlaşdırılması 18-21 noyabr 2019-cu il tarixlərində Aşqabadda SPECA günləri ərzində bir sıra sənədləri yekunlaşdırıb.

Daha sonra SPECA İdarəetmə Şurası 21 Noyabr 2019 tarixində bölgədə ticarət və nəqliyyatda maneələrin azaldılması mövzusunda Aşqabad təşəbbüsünü, SPECA Davamlı İnkişaf üçün İnnovasiya Strategiyası, SPECA Ticarətin Asanlaşdırılması Strategiyasını daxil edən sənədləri qəbul edib; bölgədə davamlı ticarət prinsipləri, ticarətdə qeyri-tarif maneələri ilə bağlı bir SPECA araşdırması üçün təklif və nəqliyyatda BMT qanuni sənədlərinin tətbiqi ilə bağlı tövsiyələr.

Təşəbbüsdə və digər yekun sənədlərdə çox vacib bir məqam ticarət və nəqliyyatın asanlaşdırılması və davamlı inkişaf arasındakı əlaqədir. “Bölgə üçün əsas problem iqtisadi və ticarət artımını davamlı etməkdir”, bəyanatda bildirilir.

Nazirlər səviyyəsində təmsil olunan ölkələr bu strateji sənədlərin icrasını dəstəkləyən bir fond yaratmaq qərarına gəliblər, UNECE bəyanatda qeyd edir.

SPECA haqqında:

SPECA, Birləşmiş Millətlər Təşkilatının iki regional komissiyası Avropa İqtisadi Komissiyası (UNECE) və Asiya və Sakit Okean üçün İqtisadi və Sosial Komissiyası (ESCAP) tərəfindən dəstəklənən, Orta Asiyanın quru yolu olmayan iqtisadiyyatları üçün bir ölkəyə məxsus və ölkəyə yönəlmiş bir proqramdır.

Nəşr olunub:

Asiya regionuna aid digər nəşrlər

Azərbaycan Pakistan ilə təhsil əlaqələrini inkişaf etdirmək istəyir

Tribune

Azərbaycanlı səfir Əli Əlizadə ölkəsinin Pakistanla əlaqələrə böyük əhəmiyyət verdiyini bildirərək Pakistanla təhsil əlaqələrini inkişaf etdirməyin əsas hədəflərimizdən biri olduğunu əlavə edib.

VOV turizmin təşviqi sahəsində Azərbaycanla əməkdaşlıq edəcək

Voice of Vietnam

Vyetnamın Səsi radiosunun (VOV) Prezidenti Nguyen The Ky VOV-un Vyetnam ilə Azərbaycan arasında rabitə, təhsil və turizm sahələrində əməkdaşlığı genişləndirmək üçün bundan sonra da Azərbaycanla əməkdaşlıq edəcəyinə ümid etdiyini söylədi.

Azərbaycan və Qazaxıstanın baş nazirləri Xəzərin dibi ilə fiber-optik rabitə xəttinin tikintisinə start veriblər

Казахстанская правда

Azərbaycanın Baş Naziri Əli Əsədov və Qazaxıstanın Baş Naziri Askar Mamin Aktau şəhərində Xəzər dənizinin dibi ilə iki ölkə arasında fiber-optik rabitə xəttinin (FOCL) inşasına başlanması ilə bağlı keçirilən təməlqoyma mərasimində iştirak ediblər, Kazpravda.kz Qazaxıstan Respublikası Baş Nazirinin mətbuat xidmətinə istinadən xəbər verir.