BP Azəri Şah Dəniz qaz hasilatını artırmağı, AÇG-də isə neft istehsalını sabit saxlamağı planlaşdırır (Reuters ABŞ)

Bu il, BP Azərbaycanın Şah Dəniz qaz yatağında hasilatın həcmini artırmağı və Azəri-Çıraq-Günəşli (AÇG) yataqlarında hasilatı sabit saxlamağı planlaşdırır, BP rəsmisi bildirib.

Ötən həftə, BP-nin rəhbərlik etdiyi konsorsium bəyan etdi ki, keçən il AÇG-də gündə orta hesabla 584 min barel neft hasil edilmişdir, bu da ümumilikdə 29 milyon barel deməkdir və bu, 2017-ci ilin göstəricisi ilə müqayisədə demək olar ki dəyişməyib.

Şah Dəniz yatağından 11.5 milyard kub metr təbii qaz və 2.5 milyon kondensat hasil edilib,  2017-ci ildə bu göstəricilər müvafiq olaraq 10.2 milyard kub metr qaz və 2.4 milyon ton kondensat təşkil edib.

“Biz, 2019-cu ildə, Azəri-Çıraq-Günəşli yatağında xam neft və Şah Dəniz yatağının qaz istehsalında artımın sabit qalmasını gözləyirik. Həmçinin, bu il və gələcək illər ərzində, Şah Dənizdə hasilatı artırmağa davam edəcəyik”, BP-nin Azərbaycan, Gürcüstan və Türkiyə üzrə vitse-prezidenti Bəxtiyar Aslanbəyli Reuters-ə müsahibəsində deyib.

Onun sözlərinə görə, indiyəcən 3.5 milyard barel neft istehsal edən nəhəng AÇG yataqları daha 3 milyard barel istehsal etmək potensialına malikdir.

2017-ci ildə, BP və Azərbaycan AÇG yataqlarının işlənməsinə dair sazişi 2050-ci ilədək uzatmağı qərara aldılar. 1994-cü ildə ilk imzalanan zaman Azərbaycan hökuməti tərəfindən “Əsrin müqaviləsi” deyə adlandırılan bu sazişin ilkin olaraq 2024-cü ilədək davam etməsi planlaşdırılmışdı.

Aslanbəyli, uzadılmış müqavilədə nəzərdə tutulan şərqi və mərkəzi Azəri yatağında işlənmə və hasilat üzrə yekun investisiya qərarının bu ilin birinci yarısında veriləcəyini, dedi.

TEXNİKİ BAXIM VƏ QAZMA PLANLARI

Aslanbəyli bildirdi ki, BP-nin rəhbərlik etdiyi konsorsium bu il mərkəzi Azəri və qərbi Çıraq yataqlarında aparılan texniki baxım işlərini bir neçə həftəlik iki dəfə dayandırmağı planlayırdı, ancaq hər iki hadisə istehsal proqnozlarında nəzərdə tutulmuşdu.

Onun sözlərinə görə, Azərbaycanın nəhəng Şah Dəniz yatağının ikinci mərhələsindən Avropa bazarlarına ilk qaz nəqli tam vaxtında-2020-ci ildə həyata keçiriləcək.

“Biz, Şah Dəniz 2 qazının Avropaya plana uyğun olaraq, gələn il çatdırılacağından tam əminik”, Aslanbəyli qeyd etdi.

Şah Dəniz 1 2006-ci ildən bu yana qaz nəql edir, Şah Dəniz 2 isə ildə, 10 milyard kub metri Avropaya, qalan 6 milyard kub metri də Türkiyəyə nəql ediləcək ümumilikdə 16 milyard kub metr təbii qaz verəcək. 

Onun sözlərinə görə, Azərbaycandan Avropaya gedən Cənub Qaz Dəhlizi boyunca boru kəmərlərinin həcmi əlavə qaz mənbələri əlverişli olduğu təqdirdə genişləndirilə bilər: “Bu, Azərbaycandan, digər yataqlardan olan yeni tədarük mənbələri ola bilər”.

O, Şəfəq-Asiman qaz yatağını “perspektiv” adlandıraraq BP-nin orada ilk kəşfiyyat quyusunu qazmağı bu il planlaşdırdığını dedi.

Hər şey gözlədiyimiz qədər ümidverici olarsa, Şəfəq-Asiman həqiqətən böyük qaz ehtiyatlarına sahib olacaq və bu, Şahdəniz ilə müqayisə edilə bilən dərəcədə olacaq”, o dedi.

O, əlavə etdi ki, şirkət Abşeron yarımadasının dayaz sularında iki kəşfiyyat quyusu qazacaq və bu ilin sonunda Qobustan sahil yatağında sınaq kəşfiyyat qazma işləri aparacaq.

Nəşr olunub:

Qafqaz regionuna aid digər nəşrlər

Azərbaycan Qarabağla bağlı danışıqlarda irəliləyiş olduğunu qeyd edib

Лента-Ру

Azərbaycanın Xarici İşlər Naziri Elmar Məmmədyarov Dağlıq Qarabağdakı münaqişənin həlli istiqamətində Ermənistanla aparılan danışıqlarda irəliləyiş olduğunu qeyd edib, İnterfaks xəbər verir.

MOL Chevron-un Azərbaycandakı payını alacaq

The Oil & Gas Journal

Budapeştin MOL Qrup şirkəti Chevron Korporasiyasının Azərbaycandakı əsas payını almağa razılıq verib.

Bakı və ölkənin xarici siyasət kimliyinin simvolik nümayişi

REX

Azərbaycan milli maraqlarını “təşviq olunan” beynəlxalq inteqrasiya strukturunun məqsəd və vəzifələrinə uyğunlaşdırmağa çalışır.

Oktyabrın 25-26-da Bakıda Qoşulmama Hərəkatına üzv ölkələrin dövlət və hökumət başçılarının XVIII Zirvə Görüşü keçirilib. Josip Broz Tito, Cəvahiral Nehru, Camal Abdel Nasir kimi siyasətçilərin qurucusu olduğu bu Hərəkat “Soyuq müharibə” dövründə təsirli qüvvəyə malik idi.