Azərbaycanlı mühacir Ukraynada necə iş adamı olduğu haqda danışır (Gazeta.ua Ukrayna)

Azərbaycanlı Alim Ələsgərovun Kiyev vilayətinin Skvirskaya rayonunun Txorivka kəndində qoyun ferması var. Azərbaycan və Türkiyəyə qoyun ixrac edir.

“Uşaqlıqdan fermer olmaq istəyirdim. Ukraynada heyvandarlıq üçün yaxşı imkanların və torpaqların olduğunu eşidəndə bura gəlməyə qərar verdim. Svetlana adında yerli bir qızla evləndim. Hazırda qızımızın və oğlumuzun tərbiyəsi ilə məşğuluq”, Alim Ələsgərov Gazeta.ua-ya müsahibəsində deyib. 

İlk öncə evlilər Ağ Kilsədə yaşayıblar. Bir il sonra kəndə köçüblər.

“Dərhal rayon mərkəzində gözəllik salonu açdım. Evdə toyuq, qaz, keçi saxlamağa başladım. 10 inək və sağma aparatı aldım. İlk zamanlar çətin idi, çünki bütün qazancımızı biznesə və təsərrüfata qoyurduq. Bəzən yol pulu və çörək pulumuz olmurdu. Yardım istəyəcək kimsəmiz yox idi. Sonra təsadüfən üçdən çox inək sahibi olana sağma aparatının pulunu geri qaytaran dövlət proqramı haqqında eşitdim. Kənd şurasının sədrliyindən heyvanların sayına dair şəhadətnamə aldıq və ərizə yazdıq. Bir müddət sonra pulu həqiqətən qaytardılar”.

Alimin sözlərinə görə, bir il ərzində salonda işlər xeyli düzəldi, müştərilərin sayı artdı. Lakin ev təsərrüfatı ilə biznesi bir yerdə idarə etmək alınmırdı. Bu səbəbdən fəaliyyət növünü dəyişməyi qərara aldım.

“Gözəllik salonunu bağladım. Süddən cüzi gəlir gəldiyinə görə bütün inəkləri də satdım. Əlimdəki pulla romanov cinsindən 50 qoyun aldım. Onlar sürətlə çoxalırlar, bir qoyun bir dölləmədə 3-4 quzu verir. Bir ilə 200 başdan ibarət sürüm vardı artıq. Indi isə onların sayı mini keçir. Hamısını evin yanında kirayələdiyim fermada saxlayıram. Iş olmayan başqa kəndlərdən çobanları işə götürdüm. Onlar fermadakı evdə yaşayırlar. Biz onları qida  ilə təmin edirik. Internet və televiziyanı da qoşmuşuq”.

Alimin ilk müştəriləri tanışları olub. Quzu ən çox Kiyevdə restoran və kababxana tutan xaricilər tərəfindən sifariş edilir.

“Şəhərdə hətta başqa ölkədən olan müsəlman görəndə belə həmişə salamlaşırıq. Nəzakətli söhbət tanışlığa çevrilir. Bu şəkildə müştəri dairəsi yaranır. Onlar məni dostlarına məsləhət gördülər və iş yoluna düşməyə başladı. Hərdən tanış olmayan adamlar zəng edib deyir ki, kabab üçün təcili ət lazımdır. Karta pul göndərirlər. Biz də quzunu kəsib avtobus ilə göndəririk. Azərbaycan və Türkiyədə bəsləmək üçün diri qoyun alırlar”.

Nəşr olunub:

Avropa regionuna aid digər nəşrlər

Bu günəcən olan ən yaxşı makiyaj dəyişiklikləri

Mail Online

Məşhurların makiyaj ustası öz gözəllik sirrlərini açıqlayır – saniyələr içində müştərilərini necə 10 il gəncləşdirir.

  • Məşhurların vizajisti minlərlə insanı inanılmaz makiyajları ilə heyran buraxır
  • Azərbaycan, Bakıdan olan Anar Ağakişiyev öz müştərilərini yenidən yaradır 
  • Onun hər cür qırış, incə cizgi, tünd ləkə və dairələri yox etmək qabiliyyəti var
  • 35 yaşındakı vizajist qadınlara 10 il gəncləşməyin sirrlərini açıqlayır

Monteneqro və Azərbaycan: birgə mədəniyyət fəaliyyətləri

Total Montenegro News

Monteneqronun Mədəniyyət Naziri Aleksandr Bogdanoviç bir müddət əvvəl Azərbaycan Respublikasının mədəniyyət naziri Əbülfəs Qarayevlə Bakıda görüş keçirib.

Monteneqro ilə Azərbaycan arasındakı ikitərəfli münasibətlər dostca və məzmunlu olduğu üçün görüşdə iki ölkə arasında mədəniyyət sahəsində əməkdaşlığın gücləndirilməsi imkanları müzakirə edilmişdir.

Öttinqer: Aİ Azərbaycanın Avropaya qaz tədarükünü iki dəfə artırmağı nəzərdə tutan layihələri nəzərdən keçirə bilər

UrduPoint

Avropa İttifaqı gələcək onilliklər ərzində Azərbaycan qazının Avropaya nəqlini iki dəfə artırmağı nəzərdə tutan layihələri nəzərdən keçirə və illik təchizatı 20-25 milyard kub metrə çatdıra bilər, Avropa İttifaqının büdcə məsələləri və insan resursları üzrə komissarı Günter Öttinqer bildirib.