Azərbaycan: OPEC qiymətləri tarazlamaq üçün hasilatı azaltmağa davam edəcək (Bloomberg, ABŞ)

Azərbaycanın Energetika nazirinin sözlərinə görə, bu ilin sonunda Neft İxrac Edən Ölkələr Birliyi (OPEC) və tərəfdaşları, çox güman ki, qiymətləri “rahat” səviyyədə saxlaya bilmək üçün neft hasilatının azaldılması haqqında sazişin müddətini uzadacaq.

“Qərarın uzadılma ehtimalı real görünür”, Pərviz Şahbazov öz müsahibəsində deyib. OPEC və tərəfdaşlarının 2019-cu ilin ilk yarısında gündəlik 1.2 milyon barelin daşınması haqqında razılığa gəldikləri dekabr sazişi xam neftin qiymətini bu il 15 faiz qaldırdı. 

Şahbazovun Bakıda dediyi sözlərə görə, OPEC-in apreldə keçiriləcək nazirlər zirvəsində saziş çox güman ki, növbəti icmala qədər 6 ay daha da uzadılacaq. Azərbaycanın paytaxtı mart ayında istehsalçıların bazarı qiymətləndirmək üçün yığışacaqları erkən görüşə ev sahibliyi edəcək.   

OPEC tərəfdaşı Azərbaycan ilin ilk yarısında gündəlik hasilatı 20.000 barelə qədər azaltmağa və ilin ikinci yarısında illik istehsal həcmini saxlamaqla sazişin uzadılmaması halında kranları açmağa razılaşıb. Nazirin fikrincə, 2021-ci ilədək hasilatın həcmi gündəlik 30.000 barelə qədər artacağı proqnozlaşdırılıb.

Londonda bir bareli 62$ məbləğində satılan Brent etalon neft markası dekabr ayının sonunda 50$-a düşüb.

Cari vəziyyətdə qiymətlər “rahatdır”, Şahbazov qeyd edib. “Əgər qiymət 60$ və 70$ civarında müəyyən edilərsə, bu bizim iqtisadiyyatımıza, planlarımıza çox müsbət təsir edəcək və “istehsalçılar və istehlakçılar üçün ən yaxşı qiymət” olacaq. 

Azərbaycan Rusiya və Qazaxıstandan sonra keçmiş Sovet İttifaqında ən böyük neft istehsalçısıdır. OPEC-ə daxil olmanı qeyri-vacib sayan Şahbazovun sözlərinə görə, ölkə neft hasilatının azalması haqqında sazişin əldə olunmasında “fəal iştirak edib”.

Nəşr olunub:

Qafqaz regionuna aid digər nəşrlər

Azərbaycanda nişan mərasimi. Budur, ləzzətli ziyafətdən hədiyyələşməyə qədər sizi nələr gözləyir.

CNN-Arabic

Evlilik adət ənənələri Azərbaycanda dərin köklərə malikdir və olduqca zəngindir. Üzüklərin taxılmasından milli yeməklərin təqdim olunmasına, rəqsə və hədiyyələşməyə qədər. Budur, Azərbaycanda nişan mərasimində iştirak edərkən görəcəyiniz ən vacib adət-ənənələr.